လက်ရှိ မြန်မာပြည်ရဲ့ ကားဈေးကွက်ဟာ အပြင်မှာတင် မကပဲ အွန်လိုင်းပေါ် အထိ ပြန့်နှံ့ လာနေပြီ ဖြစ်ပါတယ်။ အထူး သဖြင့် Facebook ပေါ်ကနေ ရောင်းဝယ် ဖောက်ကားမှု ပိုမို များပြားပြီး တဖြည်းဖြည်းနဲ့ ဝဘ်ဆိုဒ် တွေပေါ် အထိ ရောက်လာ ပါတယ်။ ဒါကလည်း ဖွံ့ဖြိုးပြီး နိုင်ငံတွေမှာ ဖြစ်လာတဲ့ Revolution နဲ့ သိပ်မကွာ ပါဘူး။ သို့ပေမယ့် နိုင်ငံ တကာမှာက ဝဘ်ဆိုဒ် စာမျက်နှာပေါ်ကို တိုက်ရိုက် ရောက်ရှိခြင်း ဖြစ်ပါတယ်။ ဥပမာ www.carmudi.com.mx တို့လို ဝဘ်ဆိုဒ် မျိုးဟာ မက္ကဆီကို မှာ လူသုံးများ အောင်မြင် လာခဲ့ ပါတယ်။
အွန်လိုင်း ကနေ ရှာဖွေ ခြင်းဖြင့် အချိန်ကုန် သက်သာခြင်း၊ မိမိ လိုအပ်သည့် ကား နှင့် ပက်သက်သော အသေးစိတ် အချက် အလက် များကို အလွယ်တကူ ဖတ်ရှု နိုင်ခြင်း ဖြစ်ပါတယ်။ သို့ပေမယ့် အရောင်း အဝယ် လုပ်ဖို့ အတွက် ငွေကြေးက အွန်လိုင်းကနေ မဟုတ်ပဲ အပြင်ကနေသာ သွားခြင်း ဖြစ်ပါတယ်။ အကြောင်းက မြန်မာပြည်မှာ လက်ရှိ အချိန်အထိ လူတိုင်း သုံးလို့ အဆင်ပြေ လွယ်ကူမယ့် အွန်လိုင်း ငွေချေ စနစ် မရှိသေးလို့ ဖြစ်ပါတယ်။ လက်ရှိမှာ မိုဘိုင်း ပိုက်ဆံ အမျိုးမျိုး ပေါ်ပေမယ့် သုံးသူ နည်းနေ ပါသေးတယ်။
ပြည်တွင်းက ဘဏ် များလည်း ငွေချေ စနစ် အမျိုးမျိုးကို အကောင်အထည်ဖော် ဆောင် ရွက် နေပါပြီ။ Master Card တို့လို့ ငွေကဒ် တွေကိုလည်း ပြည်တွင်းက ဘဏ်တွေမှာ လုပ်လို့တော့ ရနေ ပါပြီ။ သို့ပေမယ့် ပြည်တွင်းမှာ အသုံးပြုနိုင် ဖို့ ခက်ခဲပြီး ပြည်ပမှာပဲ အသုံးပြုလို့ အဆင်ပြေတယ်လို့လည်း ဆိုကြ ပါတယ်။ အချို့ ကျတော့လဲ ရတယ်လို့ ပြောပါတယ်။ ပေးပဲ၊ မာစတာ ကဒ် တို့ကို ဖွင့်ဖို့ အတွက် ပြည်တွင်း ကနေ ဝန်ဆောင်မှု ပေးတာလည်း ရှိပါတယ်။ သို့ပေမယ့် အမည်ရင်းနဲ့ မရပဲ အခြားလူတစ်ဦး တစ်ယောက် နဲ့ အခြားနိုင်ငံ နေရပ်လိပ်စာ နဲ့ ရရှိတဲ့ ကဒ် ဖြစ်ပါတယ်။ သုံးလို့ ရပေမယ့် လုံခြုံမှု မရှိ ပါဘူး။ ရာခိုင်နှုန်းအလိုက် ပေးဆောင် ရခြင်း လည်း ရှိနေ ပါသေးတယ်။
ဒီတော့ အွန်လိုင်းမှာ ကား အရောင်း အဝယ် မလုပ်ကြပဲ သတင်း အချက် အလက် ကြည့်ဖို့သာ အသုံးပြု ကြပြီး အွန်လိုင်း ကား ရောင်းဝယ် ဝန်ဆောင်မှုများ ပေါ်ပေါက် လာခြင်း ဖြစ်ပါတယ်။ www.motors.com.mm တို့လို ကား အရောင်း အဝယ် ဝန်ဆောင်မှု ဝဘ်ဆိုဒ်များ မြန်မာပြည်မှာ အရေအတွက် အများအပြား ရှိနေပြီ ဖြစ်တာကို ကိုယ်တိုင် လေ့လာ ကြည့်နိုင်မှာ ဖြစ်ပါတယ်။
No comments:
Post a Comment